Q'eswachaka ruway

Q’eswachaka, el último puente inca

Qosqo llaqtapiqa, imaymana raymichakuykunan chaninchakun watantinpi, wakinqa inkakunaq pachamanta pachan hamun hinallataq qallantaqmi kay pachakunapi wakichakuq wamaq raymikunapas.

Hinan raymichakun Apurimaq mayu wayq'onpi sapa Inti Raymi killa iskay ñeq’e seq’enpi, Q’eswachaka ruway, K’ana llaqta wamanipi. Kay ruway raymipin warmi qhari, ayllu runa Winchiri, Chaupipanpa, Qollana, Q’ewe, Pelqaro ima ayllukunamanta huñunakuspa mink'api llank’anku huk wakichayllapi tawa p’unchay mauk’a chakata allichaspa, waqmanta huknachaspa huk mosoq chakawan, takispa, tususpa, mihusqa aylluchaykuypi imaynatan ñaupa inka taytanchiskunaq ruwarqanku kikillanta.

Warmikunaqa ichhuta sinp'aspa kay ruwaypiqa llank'anku. 

Kay ñaupa ruwayqa huk p’uchu inka chakan kunankunapas ayllurunakunaqa purishallankun p’unchaw p’unchaw kay chakantaqa, Apurimaq mayuta hananta chinpaspa. 

Iskay waranqa chunka kinsayuq (2013) watamanta pachan Q’eswachaqa ruwayqa reqsisqa Unesco hatun wankurupi, “Patrimonio Cultural de la Humanidad" sutichaywan.

👉Qelqaq: Wilfredo de la Cruz García.